"මගේ නිහඬ ලෝකය ඇතුළේ... ඔයාගේ සිතුවිලි මෙතරම් ඝෝෂාකාරී ඇයි?" වයස 30 කියන්නේ සහන්ට නම් ජීවිතේ අලුත් පටන්ගැන්මක් නෙවෙයි, මහා පටලැවිල්ලක ආරම්භයක්. අහම්බෙන් ලැබුණු "ස්පර්ශයකින් හිත කියවීමේ" අද්භූත බලය නිසා සහන් තේරුම් ගත්තේ එක දෙයයි: මිනිස්සු මූණට කියන දේට වඩා හිතින් හිතන දේවල් හරිම භයානකයි. සහන් හැමෝගෙන්ම හැංගිලා තමන්ගේම ලෝකයකට කොටු වෙන්න හදනකොට, කාර්යාලයේ ඉන්න හැමෝම වසඟයට ගත්ත, ගාම්භීර ආදිත්‍ය සර් එයාගේ ලෝකයට කඩා වදිනවා. මුළු ඔෆිස් එකම ආදිත්‍යගේ දැඩි පාලනයට යටත් වුණත්, ආදිත්‍යගේ සිතුවිලි යටත් වෙලා තියෙන්නේ සහන්ට විතරයි කියලා සහන් දැනගන්නේ එකම එක වෙව්ලන ස්පර්ශයකින්... "සහන්... ඇයි ඔයා මට මෙච්චර වද දෙන්නේ? ඔය රතු වුණු තොල් පෙති දකිද්දී මට මාවම පාලනය කරගන්න බැරි වෙනවා..." පිටතින් අයිස් වගේ සීතල ආදිත්‍යගේ හිත ඇතුළේ සහන් වෙනුවෙන් ඇවිලෙන ඒ ගිනිමය ආදරය...