emaan_
نازانم بۆچی ئەوە لێرە دەنووسم..
بەڵام لەگرمەی بێزاریمە، کەسم بەشیاو نەزانی و بۆشاییەک لەناخم درووست بوو. دەوترێت نوسەر تێدەگات، ئەوەی لەواقیع دابڕاوە و نوقمی خەیاڵ بووە، لەوەش دەگا کە دڵی زامدارە، منیش واهەستەکەم دڵم شەقی بردووە و لەبێتاقەتی و مەنگی چاو و دڵ و هەستەکانم، وشەکانم لەپاڵ یەک ریز کردووە، هێندە خێرا دەینووسم بیر لەوە ناکەمەوە چی هەیە و چی نییە، چی دەنووسم و چی شیاوی وتن نییە. ئەوەندە هەستەکانم قوڵن، هێندە بەبەهێزی پەستان دەخەنە سەرم، شەوانە خەیاڵ دەمباتەوە و بیر لەسەرەتای ژیانم دەکەمەوە، «من شایەنی زۆر شت نیم.» بەڵام.. ئەو وشانە بەس نین.. بەشێک لەمن شایەنن، من تەنیا بەهۆی شێوازێک لەبیرکردنەوەی گەمژانە و «هیچ» هێرشم بۆ دەبەن، ئاوا خەیاڵ دامدەگرێت، وەلێ بەشێک لەمن، ئەوەندە هەست بەتەنهای دەکات، چاوانم دەئاوسێن بەهۆی فرمێسکەوە، «تەنهای.» ئەوە تاکە وشەیە شەوان هێرشم بۆ دەبا، هەرچەندێک واشنەبم، بەڵام ناخم دەیڵێ، من بۆشاییەک لەناخمە کەس ناتوانێ پەی بکاتەوە، مەگەر خۆشەویستیەک نەبێ، کە دەیچێژم و نەهەستی پێدەکەم.. کچەکە.. ئەوەندە مێشک و دڵ و ناخم ئاڵۆزە.. بڕوابکە خۆشم نازانم بۆچی ئەوەم نووسی، بەڵام لەقیمەی بێکەسی نوسیم، لەقوڵای ئاڵۆزی ناخ و مێشکم ئەو وشانە دەرچوونە. ئەزانی.. لەوانەشە وشەکان مانای نەبێ، بەڵام لای من زۆر بەمانان، بۆچی؟ چونکە.. لەوانەشە خۆشم نەیزانم..
_Greillace
@emaan_ نازانم بۆچی لێرە ئەوەت نووسی ، بەڵام دڵنیامە هەستت بە تەنیایێکی زۆر کردوە و هەوڵتداوە بە کەسێکی بڵێی لە نزیکەکانت بەس ترست لەوە هەبووە دوای ئەوەی هەستی خۆتت بۆیان باس کرد بە شێوەیێکی تر دەتبینن وەک شکاو و فەقیرحاڵێک ، بۆیە هەوڵداوە لە کەسێکی بگەیەنیت کە ناتناسێ و بگرە نازانێ تۆ کێی . جا لێرەدا ئەمن نازانم تۆی عاقڵ و بەهێز بەچی دا تێدەپەڕی و چی لە مێشکت دەخولێتەوە ، ئەو وشانەی دەریشت بڕیوون دەکرێ تەنها هەستە بێتاقەتی و غەمگینەکانی ناخت بن و هیچ ڕووداوێکی گەورە و ناڕەحەتکەر ڕووی نەدابێ لە ژیانت ، و تەنها تەنیای خۆتن دەیان درکێنی ، دەزانی لە هەرکێ بپرسی دەڵێ بۆشایێکی گەورە لە من دا هەیە بەچی پڕی کەمەوە ! یان بۆچی بەشێک لەمن بەتاڵە و هەست بە هیچ ناکا !هەیە ئەو بەتاڵیەی بە ئیرەیی پڕدەکاتەوە هەیە بە ڕەزیلی و هەشە وەک تۆ تەنهایەکەی دەکاتە باری خەمۆکی و خۆی دەشکێنێتەوە . هەست دەکەم دابڕاوی لە ژیانت لەوانەیە زۆر لە نێو خەیاڵ بژی و واقیعی ژیانی خۆتت لەیاد کردبێ یان بتەوێ لەیادی بکەی ، بۆیەش هەمیشە ترست هەیە و قەلەقی و خۆشیت لە هیچ نایە هەست بە تەنیایێکی زۆر دەکەی سەڕەڕای ئەوەی لە لای ئەزیزانتی ، چونکە چوونە نێو خەیاڵ بە بەردەوامی تێیدا لە مرۆڤ بوونت دەخات ، دوورە لەو کارەی خودا دەیەوێ و مرۆڤی بۆی هێناوەتە سەر دونیا . هەوڵدە لە تەنیای مەمێنەوە گرینگ نییە چەندە کەسانی خراپ و نابووتت ناسیووە و بێهیوای لەوەی کەسێک لێت بگات ڕەنگە ئەوانی تریش وا بیربکەنەوە کەس لە حاڵی دڵیان ناگا ، جا هەرکاتێ دەستت بەتاڵ بوو بەشتێک پڕی بکەوە کە دڵخۆشت بکات نەک تەنها خەیاڵ بێ و بێ بەرهەم بێ ، شتێک کە ڕەنگدانەوەی چاکە و باشی لە ژیانت ببینرێ . ئەوەش لە یاد مەکە هیچ مرۆڤێک ناتوانێ یارمەتیدەرت بێ لەو حاڵە نەجاتت بدا ئیلا بە فەرمانی خودا و هێزی تۆ نەبێ ، ئەگەر بە من بوایە دەمویست ئێستاکە دەستت بگرم و بەسەرت هاوارکەم کە ئەو شتانەی مێشکت پێت دەڵێن ڕاستی نین ! بەڵام گەر نەتەوێ لەو حاڵە دەرباز بی فەرامۆشم دەکەی و وەک ئەو کارەکتەری درامایەی لێدێت کە لەبەردەمی فیلمەکە دانیشتووین و پێی دەڵێین ئەوە ڕاستیەکەیە بۆچی ئەو کارەکتەرە هێندە لاوازە ! بەڵام ئەوە ئێمەین بەبێ فیلم و سینەما بەڵکوو ژیانی ڕاستیمانە و لە دوای مردن بۆمان لێدەدرێتەوە .
