موج 🌊

ياخي استغرب من تصنيف روايات البرومانس ! وليش دايم الروايات اللي تعتبر نظيفه تكون  برومانس بس ما تكون إلا عن الأولاد!! .. مو طبيعي !!
          ليش ما يكون فيه تصنيف "سيزمانس" وتكون بطلاته بنات وأجوائهن حلوة ولطيفة وتجيب السعادة ..
          
          وش علينا بصداقه الأولاد كمحور أساسي ومُفصل! وإحنا بنات يازين أجواءنا وسوالفنا 
          
          وطبعًا ما أقصد الإساءة أو أقلل وأرفع أحد وكذا ! بالعكس بس جد استغرب والموضوع جدًا غريب بالنسبة لي عجزت أفهمه 

أحس بالحيرة حيال روايتي اللي رجعت اارشفها ..
          أحس تستاهلون أخليكم تطلعون على رواياتي الجميلة ؛>

عيدكم مبارك ❤️

كل عام وانتي بخير وصحة وسرور ❤️

الحمد لله

سبحان الله .. لما الواحد يغير فايب شيء معين ويتعود عليه لفترة من الوقت يصير ماعد يقدر يتقبل الفايب الآخر بسهولة مثل قبل..
          وكان كل الموضوع يعتمد على حسب مدة الانغماس في الشيء اللي قاعد يتابعه أو يفضله بشكل أكبر تدريجيًا حتى يرجع لتفضيلاته الأخرى العشوائية والمتنوعة ..
          
          لذلك أحس كل ما بديت أحس بهذا الشعور أخذ هم لا حد يحب روايتي وأضطر أكمل نشرها بالطاقة اللي بديتها لما كنت بقمة حماسي وشغفي لكل ما هو جديد ..

لابأس بالقليل من الفضفضة..
          
          
          
          
          يا لهُ من شعورٍ غريب...
          مع مرور الوقت.. منذ عام 2024 إلى الآن، بنهاية 2025، والرواية للحين مستمرة، أحس إن أعمار الشخصيات ما عاد هو عاجبني مثل قبل لما كتبتها بـ2024، وقريب ندخل 2026 وللحين لا زالت الرواية قيد الكتابة.. 
          عشان كذا أحس إن الشخصيات ما رح تقدر تعيش العمر المناسب لها بالأحداث مثل ما خططت.. بمُجرد شعور غريب اجتاحني بسبب الفترة الطويلة اللي استغرقتها في الكتابة من كثرة الاستئنافات المتكررة من فترة إلى فترة.. 
          وأحس إن هالشيء حاليًا صار يسبب لي شعور غير مريح أو مُحزن بعض الشيء لمُجرد التفكير في الأمر

ياخي أحيانًا أتمنى لو حسابي مو حسابي وألقاه بالصدفة واقرأ روايتي وأنا مو عارفه كيف بتكون الأحداث وأتفاجى فيها وأخمن وأحلل وووو ... وأتحمس لبقيه الفصول وأغوص في تفاصيل الأحداث ولو كانت صغيره <: 

معليش بس أنا ما أحب إلا الروايات الحلوه الخفيفه اللطيفه اللي كلها ضحك ووناسه.. بعيده كُل البُعد عن المآسي والأحزان 
          مُفعمه بالأجواء العائليه المحفوفه بالمواقف الشاعِرية والأحداث الشيقه، المُمتعه.. الغير مُتوقعه
          
          وأهم شيء أعيش معهم الأجواء العائليه الدافئه وكأني جزء من العائلة.. أُشاركهم تفاصيل الأيام.. 
          فرحي من فرحهم وضيقي من ضيقهم (مع إني لا أُحبذ الأحداث الحزينه ولكن لابد من وجودها ولو بنسبه بسيطه).
          
          
          بالإضافة إلى أنني ما أحب الروايات اللي يكون بطلها عسكري، أو تكون عبارة عن شرِكات وسوالف أغنياء من الطبقة المُخمليه ويكون فيها بعثات خارجيه وعوائل غير مُحافظه.. أبدًا مو جوووي،
          بس أحب الروايات اللي تكون بأرض الخليج فقط ..بين أهلهم وناسهم ومتمسكين بدينهم وعاداتهم مثل ما إحنا عايشين بالواقع..
          ويا كرهي للبطله الضعيفه المتمسكنه الكئيبه :> وتكون شخصيتها مو واقعيه ولا هي بـ فلاويه :> كذا انغث مررة
          
          والكثير الكثير..... من الأمور اللي ما يمديني اكتبها كلها .. بس ذكرت أكثر شيء ممكن يضايقني بالروايات واللي يحضرني ذا الوقت.. ومستحيل أقرأ  أي رواية وجدت فيها الأمور اللي تضايقني وأمقتها بشدة .. لذلك ابي رواية حلوة لطيفه كذا مثل روايتي .. ولو عندكم يابنات علموني بسرعة (ToT)♥︎ SOS

@alxl_h3 
          وياش ياقلبي ❤️❤️ يازينك.. الله يسعدك